O outro día collín na biblioteca do colexio un
libro sobre lendas que xiran arredor de Ferrol.
Hai unha que é a que mais chámame a atención.
Conta a existencia dun monstro no porto de Ferrol. Nunca había escoitado falar
acerca de tal ser.
Os vellos mariñeiros din que había un monstro
mariño no porto. Era un xigante congro vermello de sete cabezas, cunha cola
robusta, coa que podía axitar as augas, e provocar ondas enormes que tiñan como
consecuencias os naufraxios das embarcacións… Dise que vivía baixo as pedras do
peirao de Curuxeiras e ruxía nos días de tormenta.
Pero dende hai moitos anos non se deixa ver.
O outro día
revisando o libro, encontrei unha especie de diario escrito nunhas servilletas
pegadas ao lombo do libro. Despeguei as follas de servilleta pouco a pouco ata
que as despeguei cada unha da outra. Estaban escritas con tinta azul e tiñan
unha letra bastante clara, co que podía ler todo o que estaba escrito. As
servilletas-diario rezaban desta forma:
DÍA 1
Ao fin encontrei traballo... Como mariñeiro, na ría e
porto de Ferrol. Páganme mais ou menos ben. Estou contento. Mañá empezarei a
traballar. O horario é de oito da mañá, ata as catro da tarde. Terei bastante
tempo libro para dedicarme a outras cousas. A ver o que me depara mañá.
DÍA 2
Hoxe foi o primeiro día. O noso xefe dividiunos en grupos
de catro. Os meus compañeiros chámanse Víctor, Xoán e do outro non me acordo do
seu nome, pero pode que se chamara Santiago. O día foi bastante ben. Tivemos
unha boa pesca. Ao desembarcar démoslle todo o que habíamos pescado a un home,
que parecía, un organizador, el encargaríase de poñer todas as pezas en venta
(as que puidera) no mercado.
DÍA 3
As cousas hoxe non foron tan ben, coma onte, no que se
refire á caza. Pero polo menos, comecei unha conversa xunto con Xoán sobre
política, e como o país está mergullándose na decadencia. O xefe animounos
dicindo que non todos os días habería un boa pesca, e mais, o estraño era que a
houbera. En casa, todo vai ben, a relación coa miña muller, cos meus fillos. O pequeno está aínda na gardería e o outro está empezando a universidade.
DÍA 4
Hoxe houbo moito temporal, era tanto, que houbo moita
oleaxe. Tivemos que baixar nunha barquiña, e envorcamos. Por sorte, ninguén
resultou ferido e puidemos volver a terra. O malo foi que volvemos sen ningunha
pesca. O xefe botounos unha rifa do quince (a pesar de haberlle contado o
incidente), que si non podía volver a pasar, que si tal, que si cal. Que lle
fodan, case morremos eu e mais os meus compañeiros...
DÍA 5
Xoán e Víctor foron vítimas dunha neumonía e non puideron
ir traballar... O outro mais que quedaba non sei que pasou que non puido vir.
Así que mandoume a min so nunha barquiña (na mesma na que había envorcado o día
anterior). Cando estaba pescando por Curuxeiras, vin algo na auga, algo
vermello. Collín un pau que había no barco e intentei tocar un pouco iso que
era de cor vermella. Cando o fixen saín disparado ata a outra punta da barca, e
do mar emerxeu unha especie de monstro mariño xigante vermello. ¡Tiña sete
cabezas o desgraciado!
Collín os remos da barquiña e empecei a remar canto
puiden, meu deus, canto temín pola miña vida...
Cando cheguei a terra, non lle contei nada a ninguén.
Pensei en contarllo a miña muller o chegar a casa, pero o final non fixen
nada...
DÍA 7
Dous días despois Xoán e Víctor volveron a traballar.
Cando estabamos en alta mar pescando, pensei moitas veces en si dicirlle o
incidente do monstro que había visto, facía uns días. Canto llo contei empezáronse
rir de min, dicíndome que ao estar próximo á morte días anteriores fíxome
imaxinar o que vira. Estaba moi convencido do que vira. Pensei en
dicirllo a miña muller, pero non estaba seguro... Tamén pensei en deixar o
traballo, a imaxe do monstro aterrábame.
DÍA 9
Hoxe pasoume algo que xa colmou o vaso. Estábamos
pescando no mar, cando de repete vin por debaixo do barco, ese color vermello
que tiña o monstro. Empecei a perdelos nervios e a poñerme nervioso, mordéndome
as uñas, respirando forte, o corazón íame a mil, e acabei por dicirlles aos
meus compañeiros que viñeran a velo, que o monstro estaba debaixo de nos e
corriamos perigo. Pero cando viron e miraron aos lados do barco... o monstro
desapareceu, e eles non viron nada. Como sempre, empezaron a rirse de min e non
puiden facer nada. Eu en silencio, púsenme a chorar. Quería deixar o traballo,
xa, dunha maldita vez. Pero qué lle diría a miña muller? Que deixo o traballo
porque pensaba que vira un monstro na auga?
Unha vez mais non sei que facer...
DÍA 15
Estiven dándolle moitas voltas e vou deixalo traballo...
Cando mañá volva de traballar penso dicirllo todo a miña muller. O problema é
que non sei con que vou a pagarlle ao meu fillo maior a universidade...
Espero encontrar algún emprego... aínda que sexa duro.
Mellor que vivir con esta situación.
Aquí, acababan as
servilletas que encontrei entre as pastas e o lombo do libro.
Nun principio non me
cría para nada a lenda esa de que no porto de Ferrol había un monstro, pero ler
a historia de ese home (non sei nin de que época era, nin cantos anos exactos
tiña, o que si sei era que fora pai de familia) fíxome reflexionar un pouco
acerca de ese lenda que envolvía o porto de Ferrol.
Como poñía no libro
da biblioteca, xa facía moitos anos que ninguén o vía, así que certo día
despois de ler isto, fun no barco que vai dende Ferrol ata Mugardos para ver si
vía algo polo mar, pero nada... Non vin nada.
Ou ben nunca existiu
e era unha lenda, e home do diario estaba tolo, ou ben non se deixaba ver.
Aínda así, nunca a
ninguén escoiteille nada acerca de tal monstro. E espero que siga sendo así, do
contrario non pasarei moito polo porto....